A Feira pola Empresa e o Emprego é un evento que ten lugar os días 19, 20 e 21 de novembro de 2024 na Coruña, dedicado a fomentar a conexión entre empresas, profesionais e persoas en busca de emprego. Durante este período, as persoas participantes terán a oportunidade de participar en diversas actividades que promoven o networking, a formación e a información sobre o mundo empresarial.

Esta cita, organizada pola Escola Universitaria de Relacións Laborais da Coruña (ERLAC) coa colaboración da Xunta de Galicia, representa unha plataforma única para conectar as empresas coas persoas que preseentan os seus perfís de emprego, proporcionar un espazo para a promoción de produtos, servizos e oportunidades de negocio, e facilitar o intercambio de información, networking e desenvolvemento profesional e empresarial. Tamén contribuirá ao desenvolvemento do talento e a competitividade empresarial, nun entorno dinámico e colaborativo.

Consulta o noso programa e inscríbete nas diversas actividades.

Realizaremos encontros empresariais con CEOs, abordaremos as temáticas e retos do presente e futuro, coñeceremos as competencias requiridas no actual mercado laboral, e proporcionaremos un espazo para o intercambio de ideas e o establecemento de relacións de negocio entre profesionais, empresas e iniciativas emprendedoras. Contaremos con ponencias de persoas expertas no desenvolvemento de marca persoal, obradoiros para o aproveitamento do talento e paneis de discusión. O networking estará presente en cada unha das xornadas.

O xoves 21 de novembro desenvolveremos a feira de emprego propiamente dita, con stands de empresas e entidades que nos presentarán a súas ofertas, en paralelo a dúas ponencias sobre a mellora dos procesos de contratación e a produtividade.